Функционалдық сауаттылық – заман талабы: Мектеп-лицейдегі әдістемелік семинар

Мектеп-лицейімізде «Мектеп оқушыларының функционалдық сауаттылығын дамыту» тақырыбында әдістемелік қолдау көрсетуге арналған семинар өтті. 
Іс-шараның мақсаты – оқушылардың функционалдық сауаттылығын арттыруға бағытталған қолайлы білім беру ортасын қалыптастыру.Семинар барысында келесі спикерлер өз тәжірибелерімен бөлісті:-    Кашимова Каршыга Капсеметовна – директордың ғылыми-әдістемелік жұмысы жөніндегі орынбасары;-    Ахметова Данагүл Оразбекқызы және Рахимова Асем Кадырбековна – математика пәнінің мұғалімдері;-    Құдайбергенова Мадина Серікқызы – география пәнінің мұғалімі;-    Кайранбекова Гульнара Толеугазыевна – бастауыш сынып мұғалімі.Сонымен қатар педагог-психолог Какен Аяжан Сәкенқызы семинарға қатысушыларға жағымды атмосфера қалыптастырып, сергіту жаттығуларын ұйымдастырды.
Семинарды қорытындылай келе, «Оқушылардың оқу сауаттылығын арттыру» бағыты аясында директордың ғылыми-әдістемелік жұмысы жөніндегі орынбасары Кашимова Каршыга Капсеметовна «Кітап оқимыз!» челленджін бастауды ұсынды.
Іс-шара соңында қатысушылар өзара тәжірибе алмасып, кері байланыс жүргізді.